अन्तर्राष्ट्रिय मैत्रीपूर्ण खेलमा नेपाल बराबरीमा रोकियो

काठमाडौं ।
नेपाल र कुवेतबीचको मैत्रिपूर्ण खेल गोलरहित बराबरीमा सकिएको छ । कुवेतविरुद्धको पहिलो अन्तर्राष्ट्रिय मैत्रीपूर्ण खेलमा नेपालले घरेलु टिमलाई गोलरहित बराबरीमा रोकेको हो । खेलमा नेपाली गोल किपर किरण चेम्जोङले उत्कृष्ट प्रदर्शन गरे ।
कुवेतले नेपाली पोस्टमा २ दर्जनबढी प्रहार गरे पनि सबै प्रहारलाई किरणले गोल हुनबाट रोकेका थिए । कुवेतविरुद्ध नेपालका पाँच खेलाडीले राष्ट्रिय टोलीमा डेब्यू गरेका छन् ।