पोखरीमा डुबेर कपिलवस्तुमा दुई बालकको ज्यान गयो, रेहरा गाउँ शोकमग्न


मायादेवी अनलाइन, तौलिहवा ।
कपिलवस्तु नगरपालिका ११ जहदीको रेहरा स्थित माछा पोखरीमा डुबेर अढाई बर्षीय जुम्लीया बालकको मृत्यु भएको छ । बिहीबार साँझ साढे ५ बजेतिर घर देखि ५० मिटर टाढा रहेको पोखरीमा डुबेर उनीहरूको मृत्यु भएको हो । वडा अध्यक्ष रामगोपाल यादवका अनुसार स्थानीय करिम शेषका जुम्लीया छोरा नसिफ र रैयानको पोखरीमा डुबेर मृत्यु भएको हो ।

दुबै जना खेल्दै पोखरीमा गएको र अकस्मात पोखरीमा डुबेका हुन् । पोखरीमा शव तैरीरहेको अवस्थामा देखेपछि गाउँमा होहल्ला भएको थियो । स्थानीयले दुबैलाई पोखरीबाट बाहिर निकालेका थिए । रमजानको बेला घरका परिवारहरू धार्मिक कार्यमा जुटीरहेको बेला ती दुई बालक पोखरीमा खेल्दा खेल्दै पुगेका थिए ।

इलाका प्रहरी कार्यालय पिपराका निरीक्षक आयुष प्रसाद जोशीले घटनास्थलको मुचुल्का गरी पोष्टमार्टमका लागि तौलिहवा अस्पताल पठाईएको बताए । रमजानको बेला दूई बालकको मृत्यु भए पछि रेहरा गाउँ नै शोकमग्न भएको छ । शुक्रवार रमजानको अलबिदा नबाज पढ्ने दिन हो ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस