सिद्धिपुरमा खुल्यो द डिलाइट क्याफे, ‘क्याबेज मम र थिचेको आलु’ नयाँ आइटम


मायादेवी अनलाइन, चार नम्बर ।
उद्योग व्यापार विस्तार भइरहेको कपिलवस्तुको मुटु बाणगंगा नगरपालिकामा द डिलाइट क्याफे एण्ड रेष्टुरेन्ट थपिएको छ । वडा नम्बर ४ तौलिहवा रोड सिद्धिपुरमा केही युवाहरु मिलेर सो क्याफे संचालनमा ल्याएका हुन् ।

क्याफेको बुधबार उद्घाटन गरिएको थियो । कोरोना महामारीको समयमा लगानी खेर जाने डर कायमै रहेको अवस्थामा केही नयाँ परिकारका साथ क्याफेलाई संचालनमा ल्याइएको संचालक विरेन्द्र रेग्मी र तेजजंग थापाले मायादेवीलाई बताउनु भयो ।

No description available.

क्याफेमा आएपछि ग्राहकले लोपउन्मुख केही मौलिक नेपाली चिज वस्तुहरु देख्न पाउने र कटेजहरु पनि विशेष पाउने ब्यवसायी रेग्मीले बताउनु भयो ।

विदेश जान भन्दा आफ्नै क्षेत्रमै केही गर्ने सोँचले जोखिम मोलेको संचालक रेग्मीले बताउनु भयो । अन्य स्थानमा नपाइने थिचेको आलु, क्याबेज मम, गोर्खाली आलु चट्पट् लगायतका नयाँ स्वादका परिकार भएको हुँदा ग्राहकको आकर्षण बढ्न सक्ने रेग्मी बताउनु हुन्छ ।

उद्घाटन र तिहारको अवसरमा विशेष छुटको ब्यवस्था गरिएकाले मौकाको फाइदा उठाउन समेत संचालकको आग्रह छ ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस