बुद्धभूमिमा भूमि सम्बन्धि समस्या समाधान आयोगको लगत संकलन इकाई स्थापना


मायादेवी अनलाइन, बुद्धभूमि ।
कपिलवस्तुको बुद्धभूमि नगरपालिकामा भूमि सम्बन्धि समस्या समाधान आयोगको लगत संकलन इकाई स्थापना गरिएको छ । सोमबार एक कार्यक्रमका बीच लगत संकलन इकाईको नगर प्रमुख केशव कुमार श्रेष्ठले उद्घाटन गर्नुभएको हो ।

भूमिहिन दलित, सुकुम्बासी र अव्यवस्थित बसोबासीलाई लालपूर्जा दिने गरी गठन भएको आयोगले अहिले बुद्धभूमिमा पनि लगत संकलनको काम धमाधम सञ्चालन गरिरहेको छ । बुद्धभूमिमा लगत संकलनको काम १० वटै वडामा सञ्चालन भैरहेको भए पनि सोमबार इकाई कार्यालय स्थापना गरिएको हो ।

कार्यालय स्थापना गर्दै नगर प्रमुख श्रेष्ठले नगरभित्र रहेका भूमिहिन नगरबासीलाई लालपूर्जा दिलाउनका लाग रातदिन फिल्डमा खटेर काम गरिरहेको जानकारी दिनुभयो ।

नगरका सबै वडामा लगत संकलनकर्ता खटाएको भन्दै इकाई स्थापनासंगै अब अफिसियल काम यही कार्यालयबाट हुने नगरपालिकाका प्रमुख प्रशासकीय अधिकृत अनिल पौडेलले जानकारी दिनुभयो । कार्यालय संयोजकको जिम्मेवारी नगरका प्रशासकीय अधिकृत राजनकुमार पोख्रेललाई दिइएको उहाँले बताउनुभयो ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस