‘पिपुल्स भोलेन्टियर’ घोषणा गर्दै माधव नेपाल


काठमाडौं ।
नेकपा एमालेका वरिष्ठ नेता माधवकुमार नेपालले एक हजार एक सदस्यीय ‘पिपुल्स भोलेन्टियर’ घोषणा गर्ने भएका छन् । नेपालनिकट युवा संघले गठन गरेको ‘पिपुल्स भोलेन्टियर’को भक्तपुरमा बिहीबार कार्यक्रम आयोजना गरेर घोषणा गर्न लागिएको युवा संघका उपमहासचिव एवं प्रचार विभाग प्रमुख सञ्जिप राईले जानकारी दिए ।

राईका अनुसार अध्यक्ष केपी ओलीनिकट युवा संघले युथफोर्स ब्युँत्याएपछि नेपालनिकट युवा संघले पिपुल्स भोलेन्टियर तयार पारेको हो । भक्तपुरस्थित सूर्यविनायक थापा पार्टी प्यालेसमा नेता नेपालले बिहीबार मध्याह्न १२ बजे पिपुल्स भोलेन्टियर घोषणा गर्ने उनले बताए ।

कार्यक्रममा संघका केन्द्रीय कमिटी सदस्य, निकायका सदस्य, विभागका सदस्य, प्रदेश कमिटी सदस्य, जिल्ला कमिटीका पदाधिकारी तथा प्रतिनिधिहरूको सहभागिता रहने उनले बताए ।

नेकपामा संस्थापक महासचिव पुष्पलाल श्रेष्ठको ४३औँ स्मृति दिवसको सन्दर्भ पारेर युवाको बृहत् भेलामार्फत पिपुल्स भोलेन्टियरको घोषणा गर्न लागिएको राईले बताए ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस