काठमाडौं ।
इंग्लिस प्रिमियर लिग फुटबलमा आर्सनल पुनः शीर्षस्थानमा उक्लिएको छ ।
गएराति भएको खेलमा म्यानचेस्टर युनाइटेडलाई १–० गोलले हराउँदै आर्सनल शीर्षस्थानमा उक्लिएको हो ।
आर्सनलका लागि लियान्द्रो ट्रोसार्डले एक गोल गरेका थिए । उनले खेलको २०औँ मिनेटमा गरेको गोल नै आर्सनलको जितका लागि निर्णायक बनेको थियो ।
यो जितपछि आर्सनलको ३७ खेलबाट ८६ अंक भएको छ भने एक खेल कम खेलेको म्यानचेस्टर सिटीको ८५ अंक छ । अब आर्सनलले एक तथा सिटीले दुई खेल खेल्न बाँकी छ ।
अब आर्सनलले एभर्टनसँग र सिटीले टोटनहम हट्सपर तथा वेष्टह्यामविरुद्धको खेल खेल्न बाँकी छ ।
आर्सनलसँग पराजित भएको म्यानचेस्टर युनाइटेड ५४ अंकका साथ आठौँ स्थानमा छ ।
प्रतिक्रिया