वाणगंगा नगरपालिकाले झण्डै १ अरव ३० करोडको बजेट ल्याउँदै


मायादेवी अनलाइन, चारनम्बर ।
कपिलवस्तुको वाणगंगा नगरपालिकाले आगामी आव ०७८/०७९ का लागि झण्डै १ अरब ३० करोडको बजेट ल्याउने भएको छ ।

आगामी असार १५ गते भित्रै बजेट सार्वजनिक गर्नुपर्ने बाध्यताका बीच वाणगंगा अहिले बजेटको तयारीमा छ ।

साप्ताहिक रेडियो कार्यक्रम ‘हाम्रो वाणगंगा, राम्रो वाणगंगा’ मा बोल्दै नगरपालिकाका प्रमुख प्रशासकीय अधिकृत ले आगामी बर्षको लागि नगरपालिकाले १ अरब ३० करोडको बजेट ल्याउने तयारी गरेको जानकारी दिनुभयो ।

उहाँले केन्द्र सरकारबाट ६३ करोड बजेट आएको भन्दै नगरको आन्तरिक तर्फ ४८ करोडको बजेट हुने अनुमान गरिएको बताउनुभयो । यस्तै असार १ गते प्रदेशबाट आउने बजेटको टुंगो लाग्ने उहाँले बताउनुभयो ।

आगामी बजेटमा नगरको प्राथमिकता अधुरा आयोजनाको निर्माण रहेका छन । यस्तै थप रणनितिक आयोजनाको बारेमा छलफल भैरहेको जनाइएको छ ।

यस्तै आगामी बर्षमो बजेटले कोभिड पछि थलिएको स्थानीय अर्थतन्त्र उकास्ने कार्यक्रम ल्याउने तयारी भैरहेको स्रोतले जनाएको छ । रोजगारी सिर्जना र पूर्वाधार विकास पनि नगरको बजेटमा प्राथमिकतामा पर्ने जनाइएको छ ।

मायादेवी अनलाइन डटकम कपिलवस्तुको पहिलो अनलाइन डिजिटल पत्रिका हो । वि.सं. २०७४ साउन ७ गते देखि औपचारिक रुपमा सञ्चालनमा रहेको यो अनलाइनले मुलतः स्थानीय, प्रदेश, देश तथा विदेशका समाचार प्रकाशन गर्दै आएको छ । साथमा हामीले विचारहरु पनि पस्कने गर्छौ । तपाईको आलोचनात्मक सुझाव हाम्रा लागि सधै ग्रह्य छ । हामीलाई पछ्याउनुभएकोमा धन्यवाद ।

प्रतिक्रिया दिनुहोस